Đĭ pơhiăp amăng mông bưp, Khua git gai Ping gah, Khua mir sir ơi Tô Lâm lăi pơtong kiăng khut khăt lui hĭ hơdôm tơlơi pơmĭn ča čot, bruă dưm dăp lĕ kiăng pioh lui anih ngă bruă, hăng jing tŏ tui hăng bruă dưm dăp amra pơhlôm brơi bruă mă, yua ƀing mơnuih arăng pioh dưm dăp ngă bruă lĕ ƀing hơmâo tŭ yap lăng yôm amăng anih anom, samơ̆ anai lĕ hrơi blan kiăng pơhrăm pô brơi klă ƀiă, tơlơi lông prong ƀiă, krăo lăng kjăp ƀiă hăng ĕp lăng brơi djơ̆ sit nik.

Hăng pran jua anun, Khua git gai Ping gah, Khua mir sir ơi Tô Lâm rơkâo, sem lăng ƀing apăn bruă ƀu djơ̆ kơnong lăng amăng hră pơ-ar čih hơdôm tơlơi hiam klă, ngă bruă gêh gal, lăng nao hrŏm tui tơlơi dong yua, djơ̆ hơnong pơkă đôč ôh mơ̆ ăt kiăng lăng nao hơdôm bruă mă ba glăi tŭ yua sit nik, dưi pơsir hĭ hơdôm bruă tơnap, tơlơi dong yua sit nik, tơlơi đăo gơnang amăng khul grup, tơlơi tŭ yap mơng mơnuih ƀôn sang hăng bruă ngă klă dưi jŭ yap sit nik.