Đĭ pơhiăp amăng mông jơnum, Khua git gai Ping gah, Khua mir sir ơi Tô Lâm lăi pơtong tơlơi glăm ba phun mơng gru grua, pơsit tong anai lĕ tơlơi atur phun kiăng ngă kjăp amăng mơnuih mơnam. Rơkâo khul git gai kiăng tŏ tui hruă kjăp ngă tui hơdôm tơlơi pơtrun mơng Ping gah, sit biă ñu lĕ tơlơi klah čun mơng Khua git gai Ping gah dêh čar hơđăp ơi Nguyễn Phú Trọng amăng Jơnum gru grua đơ đam dêh čar thun 2021.

Khua apăn akŏ pơtă kơ bruă pơjing tơlơi yôm ană mơnuih Việt Nam amăng rơwang phrâo pơlir hăng bruă djă pioh gru grua djuai ania hăng tŭ mă tơlơi yôm ană mơnuih. Laih dong, kiăng đing nao pơgiong tơhnal pơkă, hơdră bruă, jak iâu pơgôp djop ngăn rơnoh amăng mơnuih mơnam kiăng tuh pơ alin brơi bruă gru grua, ba gru grua mut dơlăm amăng djop mơta bruă amăng tơlơi hơdip, ngă pơtrut kơtang amăng lăm kiăng dưi ngă truh kih hơdôm hơnong pơkă pơđĭ kyar lŏn ia.