Pok phư brơi 7 boh tơhnal kiăng tŏ tui pơgiong hră lăi pơthâo klah čun pơ anăp anai, Khua git gai Ping gah, Khua mir sir ơi Tô Lâm lăi pơtong, tơlơi klah čun kiăng lăng nao tơpă anŏ aka ƀu klă, hơdôm bruă aka ƀu pơgiong, hơdôm tơlơi pơhrăm glăi, hơdôm tơlơi gun kiăng tŏ tui pơsir hĭ; laih dong, kiăng pơƀuh tong ten hơdôm tơlơi pơhrăm lăp djơ̆ tơhnal pơkă anun lĕ akĕ phĭ tui jơlan rơngai ngă pô hăng chủ nghĩa xã hội; tŏ tui pơplih pơčeh phrâo amăng djop plang tui tơhnal pơkă; lăng mơnuih ƀôn sang phun; pơjing Ping gah ngă bruă tơpă, kjăp kơtang djop mơta; pơsir lăp djơ̆ hơdôm bruă pơprong…

Khua git gai Ping gah, Khua mir sir rơkâo, đing nao biă mă kơ bruă pơsit tơlơi yak nao hăng jơlan gah git gai pơđĭ kyar lŏn ia amăng 100 thun pơ anăp. Ñu ăt rơkâo, tŭ mă, jak iâu pơgôp tơlơi thâo thăi mơng Ping gah, mơng hơdôm anom bruă kơsem min, ƀing kơhnâo kơhnăk, djop rơnuk khua apăn akŏ, mơnuih wai lăng djop rơnuk. Hrŏm hăng boh tơhnal bruă phara, rơkâo kiăng kiăo tui lăng bruă pơphun ngă tui, yua bruă lu biă mă, tơlơi rơkâo prong tui, hrơi mông ngă kiăng tañ, yua anun tơdah pơphun bruă mă ƀu klă amra ngă kaih hăng ngă ƀu klă.