Đĭ pơhiăp amăng mông mă bruă, Khua git gai Ping gah, Khua mir sir ơi Tô Lâm lăi pơtong 3 boh tơhnal pơprong amăng anun kiăng lăng bruă tuh tia pơkra ming, bơwih bơwang, pơdŭ pơgiăng dêh čar jing bruă akŏ phun amăng pơjing Việt Nam jing dêh čar ngă bruă amăng kual ia rơsĭ prong kơtang. Anai lĕ tơlơi dưi tuh tia pơkra ming ngă atur, djru pơđĭ kyar bơwih ƀong huă kual ia rơsĭ, wai lăng pơdŭ pơgiăng glông ia rơsĭ, pơhlôm pơgang rơnuk rơnua-hơđong hăng hrưn đi pran gơgrong phun.

Lăi nao bruă jao ƀơi anăp, Khua git gai Ping gah, Khua mir sir rơkâo, đing nao pok phư sĭ mơdrô, tŭ mă klă hơdôm tơlơi gal glăk hơmâo hăng pơsir hĭ 6 tơlơi gun; Ping gah Kơnuk kơna git gai ječ ameč bruă pơjing jơlan hơdră dêh čar pơđĭ kyar bruă pơkra ƀattô hăng tuh tia pơkra ming kual ia rơsĭ truh thun 2035, anăp nao truh thun 2050. Sui pơ anăp dong, Khua git gai Ping, Khua mir sir ơi Tô Lâm rơkâo, kiăng pơplih mơng tŏ tui pran ngă bruă hơdai nao pơjing bruă pơlir tuh tia pơkra ming, bơwih bơwang, pơŭ pơgiăng hăng jơlan ia rơsĭ pơplih phrâo, mơtah, yua boh thâo phrâo, dưi gơgrong mă hăng bơkơtưn amăng jar kmar.