Anai lĕ tal blung a Khua git gai Ping gah, Khua mir sir ơi Tô Lâm nao čuă dua boh dêh čar anai lơm ñu ngă khua, anai ăt lĕ tal nao čuă blung a mơng khua apăn akŏ dêh čar tơdơi kơ Việt Nam hrưn đĭ tơlơi rô nao rai ngă hrŏm djop mơta hăng dêh čar Australia laih dong New Zealand Tal nao čuă anai kiăng pơdah tong ten jơlan gah pơtom hiăp mơng Jơnum Ping gah đơ đam dêh čar tal XIV, pơgôp ba tơlơi rô nao rai ngă hrŏm jai dơlăm tui, sit nik hăng hơđong kjăp.

Bruă akŏ phun amăng tal nao čuă kiăng hơkrŭ pran đăo gơnang kơđi čar gưl khua mua pơprong, ngă pơtrut phrâo bruă pok pơhai hơdră ngă hrŏm yôm phăn djop mơta hăng anăp nao hơdôm tơlơi đing nao ngă hrŏm pơ anăp anai. Laih dong, anai ăt lĕ hrơi mông kiăng khua mua djop bơnah pơlăi nao rai bruă amăng kual, jar kmar djop bơnah đing nao; kơtưn gum hrŏm amăng hơdôm hơdră bruă djop bơnah, pơgôp pơhlôm rơnuk rơnua, hơđong hăng pơđĭ kyar hơđong kjăp amăng kual Dơnung Thái Bình Dương kah hăng rŏng lŏn tơnah.