Đĭ pơhiăp git gai mông jơnum, Khua git gai Ping gah, Khua mir sir ơi Tô Lâm lăi pơtong, yak nao rơwang pơđĭ kyar phrâo mơng lŏn ia, bruă pơtom hiăp mơng Việt Nam pơdah bruă pơplih tơlơi pơmĭn, pơdah tong ten amăng hơdôm tơlơi pơgôp yôm kiăng čung ba tơlơi pơmĭn klă. Hăng bruă pơtom hiăp hơmâo pơsit lĕ bruă jao “akŏ phun, na nao”, ba jơlan hlâo amăng wai pơgang dêh čar tañ, mơng ataih hăng črâo ba bruă amăng jar kmar gêh gal brơi pơđĭ kyar lŏn ia. Bruă pơtom hiăp kiăng pơđĭ kyar lăp djơ̆ hăng kơdrưh ang hăng gru grua yôm phara mơng djuai anai, pơgôp pơsit tong rup rap sa boh dêh čar Việt Nam rơngai, ngă pô, rơnuk rơnua, ngă hrŏm hăng hơmâo tơlơi glăm ba.

Bruă phun mơng pơtom hiăp lĕ gơgrong mă pô hăng prong kơtang mơng djuai ania, pơhlôm brơi klă hloh tơlơi dưi lŏn ia-djuai ania, lăng ană mơnuih lĕ akŏ phun mơng djop hơdră djru hăng lăi tơlơi pơgôp mơng mơnuih mơnam jar kmar lĕ tơlơi glăm ba. Laih dong, pơtom hiăp lĕ bruă mă mơng Ping gah, abih bang mơnuih ƀôn sang, pơtrut kơtang tơlơi mut hrŏm mơng djop anih anom kơđi čar hăng mơng lŏn ia.