Mơguah lơ 4/6, ƀơi Sang jơnum dêh čar (Hà Nội), Jơnum ruah khua Khul mơnuih mut phung Việt Nam tal XIV, rơwang thun 2026-2031 hơmâo pơphun prong, hơmâo Khua git gai Ping gah, Khua mir sir ơi Tô Lâm hrŏm hăng lu khua mua prong, khua hơđăp mơ̆ng Ping gah, Kơnuk kơna. Hăng tơlơi ngă bruă “Gum pơgôp - Dưi ngă pô - Tui tơlơi phiăn - Pơplih phrâo - Đĭ kyar”, Jơnum anai pơƀut ngă tui Tơlơi pơtrun jơnum Khul mơnuih mut phung Việt Nam tal XIII, rơwang thun 2023-2026; jŭ yap glăi bruă mă mơ̆ng Khua mua apăn bruă Ping gah Khul mơnuih mă bruă Việt Nam tal XIII; pơsit rơđah bruă kiăng ngă, hăng hơdôm tơlơi pơplih prong kơ rơwang bruă phrâo.

Pơhiăp git gai mông jơnum, Khua git gai Ping gah, Khua mir sir lăi dlăm ƀing kông ñơn yơh khul nao hlâo ngă hơkrŭ Việt Nam, khul pơjing rai gơnam tam laih anun akŏ pơjing phun atur tơlơi bơwih ƀong mơ̆ng lŏn ia. Laih dong kiăng anom bruă Khul mut phung pơplih tañ hloh, dlăm hloh, sit nik hloh; pơƀut ngă 6 mơta bruă akŏ phun, akŏ pơjing khul kông ñơn rơnuk phrâo, prong hloh, rơgơi hloh, thâo mă yua ia rơgơi mrô laih anun dưi mă bruă amăng rơnuk đĭ kyar phrâo./.