Klah čun ƀơi mông jơnum, Khua git gai ping gah, khua mir sir lăi pơtong, Hră pơtrun 36 jing jơlan hơdră djơ̆ lăp, djă ba bruă ngă yom hloh, djru pơđĭ tui tơlơi thâo hluh kơ anih dŏ bruă mă, tơlơi gơgrong ba mơ̆ng bơwih ƀong huă amăng kual ia rơsĭ; ngă giong atur bơwih brơi čih tơlơi phiăn mă bruă, jơlan hơdră pok pơhai pơblih đĭ tui tơlơi hơdip mơda bơwih ƀong huă amăng kual ia rơsĭ, kơtưn man pơdong kual ter hang ia rơsĭ, pơđĭ tơlơi hơdip mơda kơ mơnuih ƀôn sang hăng ngă kơjăp bruă wai pơgang tơlơi rơnuk rơnua hơđong, pơtom hiăp, pơgang tơlơi dưi ngă pô amăng ia rơsĭ, bul pơtâo, plao ia rơsĭ dêh čar.

Khă hnun, tơlơi bơwih ƀong huă amăng ia rơsĭ aka ƀu pơđĭ kyar lăp ôh hăng anŏ gêh găl laih anun tơlơi či kiăng pơđĭ kyar lŏn ia. Khua git gai ping gah, khua mir sir rơkâo khom kơsem min glăi dơ̆ng, čih pơkra hră pơtrun phrâo mơ̆ng gơnong dlông pơkă kơ bruă mă ƀơi ia rơsĭ, ngă anŏ pơtrut kơtang pơblih tơlơi pơmin, tơlơi phiăn hăng hơbô̆ bruă pơđĭ kyar, kiăng ngă djơ̆ tơhnal pơkă pơđĭ kyar amăng črăn phrâo pơ anăp adih.