Khua git gai Ping gah, Khua mir sir pơsit, Việt Nam leng kơ dong yua bruă akŏ pơdong, đĭ kyar lŏn ia Kur; lăi pơtŏng tơlơi rô nao rai plah wah dua Ping gah, dua boh dêh čar Việt Nam - Kur hăng klâo boh ping gah, klâo boh dêh čar Việt Nam - Kur - Lao jing anŏ yom biă mă đah mơ̆ng djă bong, pơtrut tui. Khua git gai Ping gah, Khua mir sir kiăng pơđĭ tui boh tŭ yua hơdră ngă hrŏm glăk hơmâo, biă ñu mông bưp plah wah khua mua Kơnuk kơna, ling tơhan, kông an hăng pơtom hiăp klâo boh dêh čar.

Lăng yom bruă bơkơtuai plah wah Khua dêh čar ơi Hun Manet hăng Khua dêh čar ơi Lê Minh Hưng, Khua git gai Ping gah, Khua mir sir hok mơak ƀơi anăp tơlơi đĭ kyar hlom bom abih bang mơ̆ng dua bơnah, phun atur ñu lĕ đăo kơnang kơđi čar, ngă hrŏm pơgang lŏn ia - wai lăng rơnuk rơnua kjăp, sĭ mơdrô đĭ, hlăk ai bơbưp nao rai jai lu. Dua bơnah ăt lăi dlăm tơlơi gơgrong bruă ĕp jơlan đĭ kyar mơ̆ng Ping gah, laih dong lăi nao bruă pơtrut ngă hrŏm boh thâo ia rơgơi, pơtruh đĭ kyar pơ anăp anai./.