Amăng mông bưp, Khua git gai Ping gah, Khua mir sir ơi Tô Lâm pơsit tong Ping gah, kơnuk kơna hăng mơnuih ƀôn sang Việt Nam lăng yôm biă mă tơlơi rô nao rai ngă hrŏm yôm phăn hăng dêh čar Đức, lăng dêh čar Đức lĕ dêh čar ngă hrŏm yôm phăn pơprong hloh mơng Việt Nam ƀơi kual Mi kô̆. Khua git gai Ping gah, Khua mir sir ơi Tô Lâm lăi nao sa, dua jơlan gah ngă hrŏm kơplah wah dua boh dêh čar pơ anăp anai, amăng anun kiăng hơkrŭ pran đăo gơnang kơđi čar hluai tui pơbưp nao rai, jơnum khua mua pơprong hăng prong hloh lĕ hluai tui Ping gah, kơnuk kơna hăng Khua pơ ala mơnuih ƀon sang dêh čar, gir ngă tui tơlơi pơkôl sĭ mơdrô rơngai dua bơnah Việt Nam-EU (EVFTA) kiăng tañ hrưn đĭ rơnoh sĭ mơdrô dua bơnah rơgao 20 klai đolar Mi, tŏ tui bruă dua bơnah lĕ bơnah sĭ mơdrô pơprong hloh ƀơi kual EU hăng ASEAN; laih dong ƀu pơdơi kơtưn ngă hrŏm sit nik, tŭ yua amăng djop mơta bruă hơmâo boh thâo ia rơgơi, pơplih pơčeh phrâo, pơplih mrô, bơwih ƀong mơtah, bơwih ƀong rô nao rai.

Kơ-iăng Khua git gai pơ ala mơnuih ƀôn sang dêh čar Bodo Ramelow bơtŭ ư hăng Khua git gai Ping gah, Khua mir sir kơ bruă kơtưn pơbưp mơnuih ƀôn sang, pơƀuh nao rai gru grua, tŏ tui tơlơi hơdip kơ rơbêh 200.000 čô mơnuih Việt Nam ƀơi Đức kah hăng hơdôm rơbâo čô mơnuih ƀôn sang Việt Nam hơmâo hrăm, mă bruă ƀơi Đức kiăng hơkrŭ pran ngă giang mah hăng ngă hrŏm hơđong kjăp kơplah wah dua bơnah.