Ding jum kơđi čar hơmâo pơčrông sai hăng brơi thâo, amăng rơbêh 35 thun pơplih phrâo, sit biă ñu amăng 10 thun ngă tui tơlơi pơtrun mrô 5 tal XI, pơplih phrâo hăng pơđĭ kyar hơdră bruă mơnuih mơnam lĕ tơlơi črâo trun pơphun na nao hăng mut hrŏm mơng Ping gah, Kơnuk kơna hăng pran jua pơđĭ kyar bơwih ƀong hrŏm hăng bruă ngă tui hơdôm tơlơi klă hiam hăng bơkơnar mơnuih mơnam. Bruă pok pơhai ba glăi tŭ yua hơdôm hơdră bruă mơnuih mơnam, pơhlôm tơlơi hơdip kơ mơnuih ƀon sang, tơlơi anai pơgôp ngă hơkrŭ pran đăo gơnang mơng mơnuih ƀon sang hăng Ping gah, Kơnuk kơna hăng hơdră bruă.

Ding jum kơđi čar pơsit tong, bruă tŏ tui pơplih phrâo, ngă tŭ yua hơdră bruă mơnuih mơnam lĕ bruă akŏ phun, na nao mơng Ping gah, Kơnuk kơna, mơng abih bang anih anom kơđi čar hăng mơnuih mơnam, pơgôp pơhlôm tui jơlan xã hội chủ nghĩa, ngă tui kiăng pơđĭ kyar bơwih ƀong huă hrŏm hăng ngă bơkơnar mơnuih mơnam; pơhlôm tơlơi hơdip mơda kơ mơnuih ƀon sang.