Khua git gai Ping gah bơni kơ hơdôm boh than hơmâo ngă klă tơdơi kơ mông jơnum tal sa, biă ñu lĕ ba tơbiă Tơlơi pơtrun mrô 193 hăng 12 tơlơi pơkă mă yua lăng hlâo đah mơ̆ng ngă tui Tơlơi pơtrun 57 mơ̆ng Ding jum kơđi čar.

Khua git gai Ping gah lăi pơplih mă yua mrô amăng djŏp anom bruă Ping gah pơplih klă tui laih, gêh gal kơ mơnuih ƀôn sang hăng anom bơwih ƀong, jing phun atur yôm pioh akŏ pơjing Anom bruă djă pioh hră pơ-ar kơnuk kơna. Khă hnun, Khua git gai Ping gah kiăng brơi nao ƀiă biă mă ñu 3% mrô prăk thun 2025 kơ bruă kơsem min đĭ kyar boh thâo ia rơgơi, pơđĭ tui 2% GDP amăng 5 thun tơdơi dong. Hơdôm ding jum anom bruă pơƀut ngă giong anih anom, glông djă pioh mrô, biă ñu lĕ Anom djă pioh hră pơ-ar kơnuk kơna kơ anom bơwih ƀong, lŏn tơnah; Khŏm khin hơtai ba yua hơdôm mơta gơnam, hơdôm hơdră mă yua boh thâo ia rơgơi phrâo, pơplih mă yua mrô tañ mut amăng tơlơi hơdip.