Jơnum anai dưi pơdah tivi lăng nao rai mơ̆ng ataih hăng 21.000 anih jơnum, hơmâo rơbêh 1,5 klăk čô khua mua, mơnuih ping gah jơnum. Pơhiăp git gai jơnum, ơi Tô Lâm, Khua git gai ping gah dêh čar lăi pơtong, Jơnum lok 11 khul apăn bruă ping gah dêh čar jing yak rơbat yom amăng bruă ngă hơkrŭ, pơjing rai pran mă bruă phrâo pơblih đơ đam lŏn ia; khom pơtong rơđah bruă kơđi čar kiăng ngă tui tơlơi git gai, pơčrâo ba ngă tui Hră pơtrun.

Jơnum lok 11 khul apăn bruă ping gah hơmâo pơtong rơđah anai lĕ sa tơlơi hơkrŭ dăp glăi, pơphun sang bruă kơnuk kơna laih anun pơblih phrâo kiăng pơđĭ kyar lŏn ia; djop khul  grup ping gah, mơnuih ngă khua djop gưl khom git gai tong ten hloh, pơtô rơđah, ngă tui tơlơi pơčrâo trun mơ̆ng khua git gai ping gah. Khua git gai ping gah ăt lăi pơtong, djop gưl anom bruă ping gah, mơnuih apăn bruă kơđiăng tong ten, djơ̆ akŏ klôn, ƀu hăt he, ječ ameč ngă tŭ hơmâo ôh. Djop bruă khom dưm boh tŭ yua hrŏm kơ lŏn ia, yua mơnuih ƀôn sang soh đing nao hlâo.