Khua git gai ping gah lăi pơtong, Ping gah, kơnuk kơna hăng mơnuih ƀôn sang Việt Nam pơpŭ na nao đôč hơdor pioh tơlơi khăp gum pơgôp hăng dong yua adơi ayong mơ̆ Cuba pioh kơ Việt Nam; pơdah pran jua đăo kơnang biă mă lŏn ia Cuba adơi ayong, gah yŭ kơ tơlơi git gai tơpă djơ̆ hơnơ̆ng mơ̆ng Ping gah Cộng sản Cuba, ăt amra yak nao pơ anăp kơjăp hloh, găn rơgao  hĭ tơlơi tơnap tap lông lăng, kiăng ba glăi boh tơhnal phrâo amăng bruă mă man pơdong lŏn ia hăng pơgang dêh čar.

Khua git gai ping gah ơi Tô Lâm lăi pơtong, hăng Việt Nam, gum pơgôp, dong yua hăng ngă hrŏm hăng Cuba lĕ bruă mă glăm ba hăng phiăn ngă; rơkâo dua bơnah khom hơdai gum hrŏm pok pơhai tŭ yua hơdôm kơčăo bruă ngă hrŏm amăng bruă ngă hmua pơkra rai pơdai braih, mơnong ƀong huă, apui yua; pơblih nao rai hăng pok prong lu bruă mă gêh găl kah hăng gah bruă ia jrao, ia rơgơi pla pơjing, bruă tuai čuă ngui; ăt pok pơhai ngă tui tŭ yua hơdôm tơlơi phiăn pơkă hăng tơlơi ngă hrŏmplah wah dua bơnah ping gah hăng dua boh dêh čar.