Pơhiăp ƀơi mông bưp, Khua git gai pơ ala mơnuih ƀôn sang dêh čar čang rơmang, ƀing khua pơ ala brơi mơnuih rơgơi mơbruă, khua đăo, khua pơ ala djuai ania ƀiă rơgơi hloh mơ̆ng ƀôn prong Hà Nội amra pơtrut tui hloh tơlơi gơgrong bruă mơ̆ng ƀing gơñu, jing pơjeh djuai yôm phun amăng djŏp bruă mă; bang hyu, pơhưč mơnuih mơnam hla tui, biă ñu brơi ƀing hlăk ai gum pơgôp prong hloh amăng bruă pơđĭ kyar plơi prong jưh jom Hà Nội hăng mơ̆ng lŏn ia ta.

Khua git gai pơ ala mơnuih ƀôn sang bơni biă kơ tơlơi pơčeh phrâo mơ̆ng Jơnum min djŏp djuai ania mơnuih mơnam ƀôn prong Hà Nội hăng khua mua ƀôn prong Hà Nội hơmâo pơphun Jơlan hơdră Pơtruh nao rai mơ̆ng Grup khua pơ ala mơnuih rơgơi mơbruă, khua đăo, mơnuih pơ ala mơnuih ƀôn sang djuai ƀiă laih anun lăi lĕ, mông bưp anai bă blai tơlơi khăp ƀu-eng, gum pơgôp abih bang, anai jing gru grua yôm mơ̆ng djuai ania ta, pơsit brơi tơlơi pơmin, mă bruă, tơlơi gơgrong bruă mơ̆ng mơnuih ƀôn sang ƀơi plơi prong jưh jom rơgơi mơbruă, yua kơ tơlơi pơđĭ kyar hrŏm mơ̆ng ƀôn prong Hà Nội wơ̆t hăng amăng dêh čar.