Khua git gai pơ ala mơnuih ƀon sang dêh čar pơsit, Khua mua pơ ala mơnuih ƀon sang Việt Nam ƀuăn pơkra tơlơi phiăn hơđong, rơđah rơđông, gêh gal kiăng anom bơwih ƀong dêh čar tač rơngiao, amăng anun hơmâo anom bơwih ƀong dêh čar Mi, mă bruă dong, pok prong bruă bơwih ƀong hăng pơđĭ kyar sui thun ƀơi Việt Nam. Khua mua pơ ala mơnuih ƀon sang dêh čar hăng Kơnuk kơna lêng kơ pơhmư̆ tơlơi pơgôp hiăp, lăng ba hăng pơhmư̆ tơlơi kiăng khăp mơng anom bơwih ƀong kơ tơlơi phiăn, tơlơi djru mơng Việt Nam.

Ơi Vương Đình Huệ kiăng hơdôm anom bơwih ƀong ngă hrŏm dong mơn hăng Việt Nam hluai tui bruă pok prong hloh dong bruă sĭ mơdrô tuh pơ alin. Gum hrŏm, djru anom bơwih ƀong Việt Nam rơgơi hloh, hơmâo mă yua boh thâo ia rơgơi phrâo. Ăt ngă hrŏm kơjăp hăng Việt Nam kiăng pơtrut ngă hrŏm tuh pơ alin amăng hơdôm bruă Việt Nam kiăng ngă hlâo laih anun dêh čar Mi dưi ngă hloh.