Đĭ pơhiăp amăng mông bưp, Khua git gai pơ ala mơnuih ƀôn sang dêh čar ơi Vương Đình Huệ lăng yôm tơlơi pơčeh mơng khul apăn bruă, grup Khua pơ ala mơnuih ƀôn sang đah kơmơi hơmâo pơphun lu bruă mă brơi đah kơmơi. Khua git gai pơ ala mơnuih ƀôn sang dêh čar pơsit tong, hơdôm rơwang mă bruă hăng akŏ rơwang tal 15 truh ră anai, Khua pơ ala mơnuih ƀôn sang lêng kơ gir run pel ĕp, pơplih phrâo ba glăi tŭ yua djop mơta. Amăng boh than dưi ngă anun, lêng kơ hơmâo tơlơi gum hrŏm mơng khua mua đah kơmơi, ƀing adơi amai amăng hơdôm bruă bruă Khua pơ ala mơnuih ƀôn sang.

Sit biă ñu, rơwang mă bruă tal 15 mrô khua pơ ala lu hloh amăng 10 rơwang mă bruă giăm anai, dưm dưm 30,26%, mrô anai hơmâo Ƀirô Khua pơ ala mơnuih ƀôn sang hơdôm boh dêh čar lăng yôm. Ơi Vương Đình Huệ đăo gơnang, ƀing đah kơmơi ngă khua pơ ala amra tŏ tui boh than dưi ngă, pơgôp lu ƀiă dong amăng bruă mă mơng Ƀirô Khua pơ ala mơnuih ƀôn sang dêh čar, kiăng kơ ba glăi lu tơlơi dưi prong ƀiă dong mơng anun ngă pơdah rơdah gru grua hing ang hăng anăp nao tal hơdor glăi 80 thun Khua pơ ala mơnuih ƀôn sang dêh čar Việt Nam.