Amăng tal nao čuă sit nik pơ dêh čar Khač, Khua git gai pơ ala mơnuih ƀôn sang dêh čar ơi Vương Đình Huệ amra hơmâo mông bưp, jơnum bơkơtuai hăng khua mua pơprong amăng dêh čar Khač, nao jơnum bơkơtuai hơdră bruă, pơbưp nao rai mơnuih ƀôn sang Việt Nam-Khač, jơnum, bưp khua mua hơdôm anom bơwih ƀong pơprong hăng nao čuă sang anih jưh pơ ala dêh čar Việt Nam ƀơi dêh čar Khač, bưp mơnuih ƀôn sang Việt Nam ƀơi dêh čar Khač…. Khua git gai pơ ala mơnuih ƀôn sang dêh čar ơi Vương Đình Huệ brơi thâo, Ƀirô Khua pơ ala mơnuih ƀôn sang dêh čar Việt Nam hăng Khač amra kĭ hră pơkôl ngă hrŏm plih hĭ tơlơi pơkôl ngă hrŏm amăng kĭ amăng thun 2015 hăng hơdôm tơhnal phrâo.

Hrŏm hăng tơlơi pơkôl ngă hrŏm kơplah wah Ƀirô Khua pơ ala mơnuih ƀôn sang dêh čar Việt Nam hăng Khač, anom bruă Khua pơ ala mơnuih ƀôn sang dêh čar Việt Nam hăng Khač ăt amra hơmâo hrơi blung a kĭ hră pơkôl ngă hrŏm kiăng pok pơhai ngă tui hơdôm boh tơhnal ngă hrŏm mơng anom bruă čih pơkra phiah phiăn dua bơnah.