Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn lăi rơđah, Ping gah, Kơnuk kơna lăng ba na nao hơdôm anom bơwih ƀong lăi hrŏm hăng Grŭp măi mok – apui yua dêh čar Việt Nam lăi ha jăn. Khua git gai pơ ala mơnuih ƀôn sang dêh čar lăi pơthâo, Jơnum min apăn bruă Khua pơ ala mơnuih ƀôn sang dêh čar phrâo gum pơhiăp pioh lăi pơthâo kơ Khua pơ ala mơnuih ƀôn sang pel ĕp bruă pơpkra Tơlơi phiăn wai lăng hăng tuh pơplai kơnuk kơna ƀơi anom bơwih ƀong.

Bruă pơkra tơlơi phiăn anai amra ngă gal brơi hơdră klă, pơtlaih tơlơi tơnap kơ bruă bơwih ƀong huă sĭ mơdrô. Hơdôm hrơi rơgao, Khua pơ ala mơnuih ƀôn sang, gong gai dêh čar ăt hmâo pơplih pơkra lu mơn rơwang bruă tơlơi phiăn tui pran jua pơtlaih anô̆ ngă gun pioh lŏn ia yak mut amăng rơnuk phrâo, rơnuk hrưn đĭ pô mơ̆ng djuai ania hăng djơ̆ tui pơđĭ kyar rơbêh kơ 8% amăng thun anai. Khua git gai pơ ala mơnuih ƀôn sang pơsit yôm Grŭp ngă tui bruă hơđong tơlơi hơdip mơda mơnuih mơnam ba glăi bôh tơhnal biă, djru pơdŏng sang hră, tơdrông tua jơlan nao rai, sang khăp kiăng, sang gum hrŏm hơbit, djru mơnuih ƀôn sang hmâo tơlơi truh yua kơ kơthel hơjan, ia ling dăo, klin ruă ngă./.