Tui hăng hră lăi pơthâo, klâo blan tal sa, djop anom bruă lăi pơthâo, bơwih brơi dua wơ̆t jơnum lok ječ ameč tŭ yua truh kih, 8 wơ̆t jơnum mơ̆ng jơnum min apăn bruă phun pơ ala mơnuih ƀôn sang mơnuih ƀôn sang dêh čar….Amăng klâo blan tal II anai, djop jơnum min gah anom bruă pơ ala mơnuih ƀôn sang amra ngă giong hră pơar, mrô rơnoh lăi pơthâo pioh pơdah đĭ amăng mông jơnum lok 7 hăng 9 mơta kơčăo bruă tơlơi phiăn, 1 pok hră pơtrun….

Kơ bruă mă amăng blan 4, klâo blan tal 2, phun ñu bơwih brơi kơ mông jơnum ping gah gơnong dlông lok 9, jơnum khua mua pơ ala lok 7, Khua git gai pơ ala mơnuih ƀôn sang dêh čar ơi Vương Đình Huệ rơkâo tơdơi kơ jơnum giong mông anai, Khua čih pioh, Khua anom bruă ƀirô khua pơ ala mơnuih ƀôn sang dêh čar kơsem min lăng, čih pioh tơlơi pơgôp hiăp amăng mông mă bruă kiăng sem glăi, jŭ yap djop boh yôm phun bruă mă mơ̆ng ră anai truh abih klâo blan tal II. Hăng djop hră pơar tơlơi phiăn hăng hră pơar pơtrun kah hăng tơlơi phiăn pơkă, khom sem glăi, ba yua amăng hơdră jơnum Jơnum min apăn bruă phun pơ ala mơnuih ƀôn sang lok 32, 33 tui hăng hơdôm tơlơi pơkă. Abih bang boh yôm phun mơ̆ng ră anai truh abih klâo blan tal dua, đing nao hlâo hloh kơ mông jơnum lok 7, khua mua pơ ala tal XV.