Pơhiăp ƀơi mông jơnum, Khua git gai pơ ala mơnuih ƀôn sang dêh čar ơi Vương Đình Huệ bơni kơ Jơnum min djŏp djuai ania mơnuih mơnam Việt Nam, hơdôm anom bruă ngă ding kơna lêng kơ ngă tui tơlơi pơtrun Jơnum ping gah dêh čar tal 13 kơ pơtrut tui tơlơi dưi mơnuih ƀôn sang xã hội chủ nghĩa, akŏ pơdong hăng pơtrut tui pran gum pơgôp anih bang djuai  ania, ngă tŭ yua tơlơi phiăn “Ping gah git gai, Kơnuk kơna wai lăng, Jơnum min djŏp djuai ania hăng djŏp khul grup kơđi čar - mơnuih mơnam gơgrong phun” hăng tơlơi pơtrun ngă bruă “mơnuih ƀôn sang thâo, mơnuih ƀôn sang pơčrông sai, mơnuih ƀôn sang ngă, mơnuih ƀôn sang pel ĕp, krăp lăng, mơnuih ƀôn sang tŭ mă boh than hiam”.

Amăng hrơi blan pơ anăp, Khua git gai pơ ala mơnuih ƀôn sang ơi Vương Đình Huệ kiăng dua anom bruă ngă hrŏm hloh dong ngă kjăp tui khul gum pơgôp pơlir hơbit djuai ania. Anai jing gru grua yôm pơphăn, jơlan hơdră ngă bruă yôm, hơmâo ngă na nao mơ̆ng Ping gah; pran kơtang, tơlơi pơsit truh kih hă ƀŭ bruă akŏ pơdong hăng pơgang Lŏn ia./.