Khua git gai pơ ala mơnuih ƀon sang dêh čar ơi Vương Đình Huệ hrŏm hăng ƀing khua nao dưm bơnga ƀơi Gong kut Khua git gai Ping gah Nguyễn Văn Linh (plơi prong Hưng Yên, tơring čar Hưng Yên). Khua git gai Ping gah Nguyễn Văn Linh jing sa čô čơđai hrăm rơgơi mơng Khua mir sir Hồ Chí Minh, jing mơnuih gum pơgôp prong prin biă mă hăng bruă hơkrŭ lŏn ia Việt Nam, jing Khua git gai Ping gah blung a amăng rơnuk pơplih phrâo. Ƀơi să Quảng Lãng (tơring glông Ân Thi, tơring čar Hưng Yên), Khua git gai pơ ala mơnuih ƀon sang dêh čar hăng grup khua mă bruă hơmâo nao pơhmư̆ Hrơi jơnum pơphun pơkra kual sang măi mrô 5 tơring čar Hưng Yên.

Sang măi mrô 5 jing kơčăo bruă yôm phun mơng tơring čar Hưng Yên, prong rơbêh 192 ha, hơmâo prăk tuh pơ alin rơbêh 2.300 klai prăk, hơmâo pơdong amăng tơring glông Ân Thi, Kim Động. Ƀrô ngă lơphet 77 thun hrơi Bơkơjăp drơi jăn Việt Nam lơ 27/3, ơi Vương Đình Huệ hăng ƀing khua hơmâo nao čuă Anom pơtô pơhrăm đă boh lông hlăk ai (PVF). Ƀơi anai, Khua git gai pơ ala mơnuih ƀon sang dêh čar ơi Vương Đình Huệ hrŏm hăng ƀing khua hơmâo nao čuă lăng anih anom; pơhmư̆ tơlơi lăi pơthâo bruă mă mơng Anom bruă laih anun brơi gơnam pơpŭ kơ Anom bruă, ƀing khua, mơnuih kơhnâo, ƀing nai pơtô, mơnuih mă bruă, hơdôm grup bơkơjăp drơi jăn, ƀing čơđai hrăm bruă, mơnuih apăn bruă pơplông bơkơjăp drơi jăn mơng PVF hăng grup đă boh lông Kông an Hà Nội.