Đĭ pơhiăp amăng mông ngă lơphet, Kơ-iăng Khua git gai pơ ala mơnuih ƀon sang dêh čar ơi Trần Thanh Mẫn rơkâo, anom djru mơnuih ƀon sang kiăng tŏ tui krăo lăng, ngă tui hơdôm tơlơi pơtrun mơng Jơnum Ping gah tal 13; hơdôm bruă jao amăng jơlan hơdră bruă mă mơng Ping gah grup Khua pơ ala mơnuih ƀon sang dêh čar ngă tui tơlơi pơtrun mơng Jơnum Ping gah tal 13.

Anom djru mơnuih ƀon sang git gai gum hrŏm kjăp hăng hơdôm anom bruă bơdjơ̆ nao pok pơhai pơjing akŏ bruă mơng Ping gah grup Khua pơ ala mơnuih ƀon sang dêh čar kơ “tŏ tui pơplih phrâo, hrưn đĭ klă dong, tŭ yua amăng bruă djru mơnuih ƀon sang mơng Ƀirô Khua pơ ala mơnuih ƀon sang dêh čar”, kiăo tui lăng, kơsem min tong ten hơdôm tơlơi pơkă mơng Ping gah, Kơnuk kơna, sit biă ñu lĕ hơdôm tơlơi rơkâo mơng mơnuih ƀon sang. Pơ ala khua mua Ping gah, Kơnuk kơna, Khua git gai pơ ala mơnuih ƀon sang dêh čar ơi Vương Đình Huệ hơmâo jao miđai mă bruă mrô II brơi anom djru mơnuih ƀon sang.