Tŭ jum grup TCL, ơi Wang Cheng, Khua git gai Grup bơwih ƀong brơi thâo, ƀơi Việt Nam, TCL tuh pơ alin 3 boh sag măi pơkra gơnam ƀơi Bình Dương hăng Quảng Ninh hăng prăk tuh pơ alin rơbêh 100 klăk dolar Mi hăng dưi pơkra rai 6 klăk gơnam/thun. Amăng hrơi blan pơ anăp, Grup TCL amra pok prong bruă glăk ngă hăng man pơdong thim sang măi phrâo dong, pơƀuh kơ ƀing sĭ mơdrô gơnam kiăng yua rai pơ Việt Nam, đah mơ̆ng pơkra giong anih anom.

Khua git gai pơ ala mơnuih ƀôn sang dêh čar ơi Vương Đình Huệ lăng yôm tơlơi pơmin akŏ pơdong anih ba sĭ gơnam mơ̆ng TCL ƀơi Việt Nam. Ƀơi mông tŭ jum ơi Trương Thiên Nhiệm, Khua grup ngă rah Khua ping gah grup bơwih ƀong hăng ding kơna pơkŏn mơ̆ng Grup Tianneng, Khua git gai pơ ala mơnuih ƀôn sang hok mơ-ak yua dah grup bơwih ƀong ruah Việt Nam jing anih rai tuh pơ alin; čang rơmang kơčăo bruă anai tañ hơmâo ngă, djru pơđĭ kyar bơwih ƀong mơ̆ng tơring čar ăt kah hăng Việt Nam, pơđĭ tui tơlơi ngă hrŏm sĭ mơdrô, tuh pơ alin kơplah wah Việt Nam hăng Khač.