Khua git gai pơ ala mơnuih ƀon sang dêh čar ơi Vương Đình Huệ pơsit tong, amăng thun blan laih rơgao dua bơnah hơmâo tơlơi rô nao rai kơđi čar hiam klă, pơhmutu lĕ kơplah wah Kơnuk kơna, Khua pơ ala mơnuih ƀon sang dêh čar dua bơnah lêng kơ rô nao rai ngă hrŏm hăng pơbưp nao rai gưl prong. Khua git gai pơ ala mơnuih ƀon sang dêh čar čang rơmang, tal rai čuă mơng Kơ-iăng Khua git gai pơ ala mơnuih ƀon sang gơnong yŭ Czech pơgôp kơtưn tơlơi rô nao rai ngă hrŏm Ƀirô Khua pơ ala mơnuih ƀon sang dêh čar lăi phara hăng tơlơi rô nao rai dua bơnah hnun mơn.

Amăng mông bưp, Khua git gai pơ ala mơnuih ƀon sang dêh čar ơi Vương Đình Huệ hăng Kơ-iăng Khua git gai pơ ala mơnuih ƀon sang gơnong yŭ Czech lêng kơ brơi thâo, dua bơnah hluai tui kơđi čar, pơtom hiăp him klă pơtrut djop mơta amăng bruă sĭ mơdrô, tuh pơ alin. Việt Nam čang rơmang hơmâo lu gơnam mơng Việt Nam ba sĭ mơdrô pơ dêh čar Czech hluai tui tơlơi pơkôl sĭ mơdrô rơngai kơplah wah Việt Nam - EU hăng pot glăi, Việt Nam amra pok bah amăng kiăng pơhlôm brơi gơnam mơng Czech ba mut amăng Việt Nam. Gah dêh čar Czech čang rơmang ba sĭ mơdrô mơnong un, rơmô pơ Việt Nam tañ hloh pơ anăp anai.