Pơhiăp amăng mông ngă Lơphet pơphun pơkra jơlan, ơi Nguyễn Tấn Tuân – Khua Jơnum min mơnuih ƀôn sang tơring čar Khánh Hòa brơi thâo, rơwang bruă Jơlan nao rai mơ̆ng Jơlan lŏn ia mrô 27C nao pơ̆ Jơlan tơring čar 656 – tô hăng tơring čar Lâm Đồng hăng tơring čar Ninh Thuận găn 2 bôh tơring glông Khánh Vĩnh hăng tơring glông Khánh Sơn dưi pơsit lĕ rơwang bruă yôm phăn lŏn ia, hmâo hơdră pơkă jơlan III kual čư̆ siăng, ataih năng ai ñu 56,7 km. Abih bang prăk mă yua pơkra jơlan lĕ 1.930 klai prăk, thun blan man pơkra lĕ mơ̆ng thun 2023 truh abih thun 2027. Rơwang bruă jơlan nao rai mơ̆ng Jơlan mrô 27C nao pơ̆ Jơlan tơring čar 656 – tô hăng tơring čar Lâm Đồng hăng Ninh Thuận lĕ jơlan nao rai yôm phăn, tô nao rai 2 bôh tơring glông čư̆ siăng Khánh Sơn hăng Khánh Vĩnh, ngă gal brơi kơ pơđĭ kyar bơwih ƀong – mơnuih mơnam 2 bôh tơring glông anai lăi ha jăn hăng tơring čar Khánh Hòa lăi hrŏm, kơtưn bruă tô nao rai jơlan glông, pơgiăng gơnam tam pơlir nao rai kual hăng tơring čar Lâm Đồng hăng Ninh Thuận; kơtưn pơgang lŏn ia, rơnuk rơnua plơi pla amăng kual, pơjing jơlan glông tañ, hluh gah amăng djop bruă kiăng pơhlôm rơnuk rơnua plơi pla, hơđong lŏn ia; djru tŭ yua kơ bruă hyu tir, wai lăng, pơgang glai klô.

Ăt amăng lơ 1/3 mơ̆n, Khua git gai wai lăng pơ ala mơnuih ƀôn sang dêh čar ta Vương Đình Huệ hrŏm hăng grŭp hyu mă bruă hmâo ƀơk laih 200 bôh sang hơdor tơngiă kơ hơdôm bôh sang anô̆ ƀun rin mơ̆ng tơring glông Khánh Sơn hăng tơring glông Khánh Vĩnh./.