Pơhiăp amăng mông bưp ƀô̆ mơta, Khua git gai wai lăng pơ ala mơnuih ƀôn sang dêh čar rơkâo Khua hơdôm bôh Ƀirô pơ ala mơng Việt Nam pơ̆ dêh čar tač rơngiao khom kơtưn hloh dong tơlơi rô nao rai kơplah wah Khua pơ ala mơnuih ƀôn sang hăng ƀirô khua pơ ala mơnuih ƀôn sang pô dô̆ mă bruă kiăng pơdŏng tơlơi rô nao rai klă hiam hăng ƀing Khua pơ ala mơnuih ƀôn sang anih pô dô̆ mă bruă. Amăng mông tŭ jum, Khua git gai wai lăng pơ ala mơnuih ƀôn sang dêh čar ơi Vương Đình Huệ pơtŏng sit, bruă pơtom hiăp djru klă biă pioh lŏn ia hmâo bruă mă, pran đăo gơnang hăng gơgrong ƀơi jar kơmar kah hăng ră anai.

Kơđai glăi, anih dŏng, bruă mă, pran đăo gơnang mơng lŏn ia ră anai ăt ngă gal brơi mơn pran gơgrong hăng bôh thâo bruă mă, pơjing anih anom gêh gal kơ bruă pơtom hiăp. Anô̆ yôm mơng pơtom hiăp hơdôm bôh dêh hăng biă ñu Việt Nam ƀing ta lĕ pran kơtang lu mơta. Khua git gai wai lăng pơ ala mơnuih ƀôn sang dêh čar rơkâo, Khua hơdôm bôh Ƀirô pơ ala mơng Việt Nam pơ̆ dêh čar tač rơngiao djru klă amăng pơgang kơjăp tơlơi rơngai, dưi pô, pơlir hơbit, pơhlôm lŏn ia, pơgang rơnuk rơnua plơi pla “mơng tañ, mơng ataih”, pơgang tơlơi hơđong hăng yâu mơ-ak mơng mơnuih ƀôn sang. Anai lĕ bruă mă na nao, sui thun, yôm phăn khom čih djă pioh hăng ngă tui na nao, kơjăp./.