Khua git gai wai lăng pơ ala mơnuih ƀôn sang pơsit yôm bruă pôr pơhing hơdră bruă, Ding jum wai lăng tơlơi pơhing hăng pôr pơhing hmâo pơphô brơi klă laih kơ Kơnuk kơna kiăng pơplih tơlơi pơmin, hơdră ngă amăng bruă pôr pơhing hơdră bruă mơng hơdôm bôh ƀirô kơnuk kơna. Kiăo tui anun, pôr pơhing hơdră bruă khom dưi lăng lĕ sa bruă, sa bruă mă mơng gong gai.

Amăng bruă pơdŏng, ngă giong hơdră pơkă, Ding jum wai lăng tơlơi pơhing hăng pôr pơhing hmâo hur har laih, pơphô brơi kơ Kơnuk kơna kiăng lăi pơthâo kơ Khua pơ ala mơnuih ƀôn sang pel ĕp tơlơi phiăn hơđong internet, Phiăn pơplih pơkra, pơhrua nao sa dua mơta tơlơi amăng Tơlơi phiăn mrô. Ră anai, rơwang bruă Tơlơi phiăn mă tui jơlan măi mok (pơplih pơkra) dưi hmâo Khua pơ ala mơnuih ƀôn sang gum pơhiăp tal blung a, pơkă hlâo Khua pơ ala mơnuih ƀôn sang amra pel ĕp amăng Tal jơnum lok 5 pơ̆ anăp. Rơwang bruă Tơlơi phiăn Dăng kông (pơplih pơkra), yua kơ Ding jum lĕ pô git gai čih pơkra hmâo ba mut laih amăng Jơlan hơdră čih pơkra tơlơi phiăn, phiăn pơtrun thun 2023./.