Pơhiăp amăng mông mă bruă, yă Trương Thị Mai lăi rơđah, ră anai tơlơi blah ngă ƀơi rŏng lŏn tơnah ăt kơtang tui, tơlơi rung răng aka phiăn hơmâo, anŏ pơblih ayuh hyiăng rung răng tơnap tui mơ̆n….amăng tơlơi pơhing phrâo anun, Khul tơhan hơđăp kiăng djru hrŏm, ĕp lăng hlâo, pơphun bruă mă amăng khul ngă djơ̆ tơlơi pơtrun mơ̆ng Ping gah. Khul tơhan hơđăp kiăng ngă klă bruă kơđi čar pioh djru hrŏm pơtô lăi, jak iâu djop mơnuih ngă tui jơlan hơdră, tơlơi pơtrun prong, tơlơi kiăng tơpă yôm mơ̆ng ping gah hăng kơnuk kơna.

Yă Trương Thị Mai rơkâo, kiăng pơtrut hloh bruă ngă tui Hră pơtrun ruah khua Khul tơhan hơđăp tal VII, 2 mơta bruă Khul ruah mă. Ăt hneč mă kiăo tui tơlơi pơhing, pơtrut pran jua tơlơi pơmin tơhan hơđăp ngă hrŏm amăng bruă mă mơ̆ng ping gah. Laih dơ̆ng brơi thâo, hơdôm tơlơi rơkâo mơ̆ng mông jơnum mă bruă anai amra dưi čih pioh ĕp lăng laih anun pơhrua tui dơ̆ng amăng hră lăi pơthâo mơ̆ng Hră pơtrun 09 pioh pơdah đĭ ding jum kơđi čar, khul apăn  bruă git gai ping gah dêh čar pơ anăp anai.