Tui hăng kơčăo bruă, akŏ bruă pơƀut bruă mă ngă tui Kơčăo bruă jak iâu djru pơdong sang gum pơgôp kơ mơnuih ƀun rin mơ̆ng tơring čar anăp nao hơdor glăi tal 70 thun hơdor glăi blah dưi ƀơi Điện Biên Phủ, amra pơphun plah wah amăng blan 3/2024. Boh yôm phun pơƀut bruă mă pơtong glăi boh tơhnal ngă tui kơčăo bruă mrô 09; jơnum ngă lơphet jao 5000 boh sang gum pơgôp brơi kơ sang anŏ ƀun rin ƀơi tơring čar; pơpŭ bơni, ƀơk hră bơni kơ khul grup, mơnuih ngă bruă hur har hơmâo boh tŭ yua lu jak iâu, djru ba ngă tui kơčăo bruă 09.

Ƀơi mông mă bruă, ơi Đỗ Văn Chiến rơkâo tơring čar Điện Biên ming pơkra glăi hơdôm mơta tơlơi amăng akŏ bruă kah hăng : pơkra glăi hơdră jơnum ngui mơak bưp mơnuih ƀôn sang ƀing ƀuh ƀô̆ mơta tal blah ngă hlăk đưm anun, ruah mơnuih pơ ala pioh đĭ pơhiăp, ră ruai glăi ƀơi mông bưp; pơhrua nao hơdră pơdah tơlơi adoh suang hơdor tơngia, pơblih hơdră ruah mơnuih mut jơnum sit nik dưi pơhiăp đĭ tui tơlơi gêh găl phara.