Hăng anăn ñu “Pơtrut tơlơi dưm kơnar bơnai hăng rơkơi hăng ngă tui bruă mơ̆ng mơnuih apăn bruă, mơnuih amăng khul, đah kơmơi amăng pơđĭ kyar bơwih ƀong - mơnuih mơnam amăng tơring čar Dak Lak”, jơnum pơphun amăng tơlơi tơpă, hur har, tơpă ară.

Hơdôm tơlơi bơdjơ̆ nao hơdră pơkă, hơdră bruă pioh pơsur, djru đah kơmơi pok phun bruă pơđĭ kyar bơwih ƀong; pơdŏng plơi pla phrâo; dưm kơnar bơnai hăng rơkơi; pơhlôm tơlơi hơdip hơđong mơnuih mơnam kơ đah kơmơi; bruă mơnuih apăn bruă hăng đah kơmơi; jơlan pơhlôm klă kơ đah kơmơi hăng čơđai muai... dưi hmâo khua pơ ala đing nao tơña. Khua pơ ala kơ hơdôm gơnong bruă, grŭp, gơnong bruă bơdjơ̆ nao hmâo lăi pơthâo nao rai, lăi pơthâo, lăi glăi ƀơi anăp. Yă H’Yim Kđoh, Kơ-iăng Khua Jơnum min mơnuih ƀôn sang tơring čar pơsit, hơdôm bôh yôm khua pơ ala lăi đĭ hmâo tơhnal phrâo, sit nik, pơdah tơlơi lăng ba đah kơmơi hăng hơdôm bruă mă mơ̆ng tơlơi hơdip mơda, bruă kơđi čar, mơnuih mơnam. Mơ̆ng anun, pơtŏng sit anih dŏng, bruă mă, bruă gơgrong mơ̆ng đah kơmơi amăng hơdôm bruă mă./.