Khua khul apăn bruă Ping gah dêh čar ơi Phan Đình Trạc lăng yôm boh than dưi ngă amăng ngă hrŏm kơplah wah Ding jum phiah phiăn dua bơnah amăng hrơi blan laih rơgao. Ñu pơsit tong, Việt Nam lêng kơ lăng yôm bruă hơkrŭ hăng pơđĭ kyar tơlơi rô nao rai kơplah wah Việt Nam-Khač, hăng amra hrŏm hăng dêh čar Khač tŏ tui tơlơi dưi phrâo amăng tơlơi rô nao rai dua bơnah, ngă tui klă tơlơi pơmĭn hrŏm mơng khua mua, hơdôm tơlơi pơsit hrŏm hăng ngă pơ-ar ngă hrŏm hơmâo kĭ kơplah wah dua bơnah, amăng anun hơmâo bruă phiah phiăn.

Khua khul apăn bruă Ping gah dêh čar ơi Phan Đình Trạc rơkâo dua bơnah kơtưn pơlăi nao rai boh than kơsem min tui boh thâo hăng tơlơi sit nik amăng pơjing kơnuk kơna tui jơlan xã hội chủ nghĩa, pơplih phiah phiăn, pơgăn hưp ƀong kông ngăn, wai lăng mơnuih apăn bruă, pơgăn kơ bruă pơgang brơi tơlơi dưi tui khul grup amăng čih pơkra tơlơi phiăn, djru pơjing Ping gah, kơnuk kơna dua bơnah.