Pơphun ƀrô djơ̆ hơdôm hrơi dua bôh dêh čar hơdor glăi 50 thun akô̆ pơjing bruă pơtom hiăp – tal rai čuă mơ̆ng Khua mir sir dêh čar Burundi Evariste Ndayishimiye hăng Bơnai ñu pơ̆ dêh čar Việt Nam tal anai dưi lăng lĕ, gru pơđom pioh gru grua amăng tơlơi rô nao rai dua bơnah; pơdah tơlơi čang rơmang kơtưn bruă giăng mah gum hrŏm hloh dong amăng hơdôm bruă kơđi čar, bơwih ƀong, sĭ mơdrô, bôh thâo đưm hăng mơnuih mơnam; lăp djơ̆ hăng hơdră pơtrun mơ̆ng Ping gah hăng Kơnuk kơna amăng bruă pok prong pơtom hiăp hăng hơdôm bôh dêh čar, rơđah biă ñu lĕ Akô̆ bruă “Pơđĭ kyar tơlơi rô nao rai kơplah wah Việt Nam hăng hơdôm bôh dêh čar amăng kual Trung Đông - kual Ơi Jŭ rơwang 2016-2025”.

Amăng rơwang rai čuă Việt Nam, Khua mir sir dêh čar Burundi amra pơhmư̆ mông ngă lơphet čơkă sit nik hăng bơkơtuai hăng Khua mir sir ơi Lương Cường, pơbưp khua mua git gai Ping gah, Kơnuk kơna Việt Nam./.