Amăng mông tŭ jum, Khua mir sir dêh čar ơi Lương Cường pơtŏng sit Việt Nam lăng yôm hăng čang rơmang ngă dơlăm hloh dong tơlơi rô nao rai giăng mah hăng gum hrŏm lu mơta hăng Kenya. Hluai tui tơlơi đăo kơnang bruă kơđi čar kơplah wah Việt Nam hăng Kenya, Khua mir sir ơi Lương Cường rơkâo dua bơnah gir run ngă tui tơlơi pơplih phrâo hơdôm tơhnal gal prong prin amăng lu bruă hmâo anô̆ gal, biă ñu lĕ tuh pơplai, sĭ mơdrô, bruă đang hmua hăng tuai čuă ngui.

Gah bruă gum hrŏm pơgang lŏn ia, Khua mir sir rơkâo dua Ding jum khul ling tơhan kơsem min, pơtrut gum hrŏm bruă măi mok pơgang lŏn ia, bruă djru gah tlôn, bruă ia jrao tơhan, lăi pơthâo tơlơi găn rơgao gum hrŏm bruă djă pioh tơlơi rơnuk rơnua Sang gum hơbit djop dêh čar./.