Khua mir sir dêh čar ta ơi Võ Văn Thưởng hmâo nao pơhmư̆ mông jơnum hăng ƀơk pri bơni yôm phăn mơng Ping gah, Kơnuk kơna ƀơk kơ hơdôm khul grŭp hăng mơnuih amăng mông ngă Lơphet. Pơhiăp amăng mông ngă Lơphet, Khua mir sir dêh čar ta ơi Võ Văn Thưởng hơ-ư̆č hmưi hăng bơni khul Hyu krâ̆o sŭ Khul ling tơhan amăng giăm truh 78 thun pơdŏng, kơdŏng pơgang hăng pơjing kơjăp, djru prong prin kơ bruă tlaih rơngai djuai ania, pơlir hơbit lŏn ia hlâo adih, ăt kah hăng bruă pơdŏng hăng pơgang lŏn ia ră anai.

Pơ̆ anăp anai, Khua mir sir dêh čar ta rơkâo Anom bruă hyu krâ̆o sŭ amăng rơnuk hơpă, hrơi mông hơpă leng kơ khom gir run ngă djơ̆ phiăn pơkă git gai mơng Ping gah, ƀơi anăp amăng djop bruă. Anom khom ngă klă dong bruă mă mơng pô; djru yôm phăn, ba glăi bôh tơhnal kơ Khua git gai Ping gah, Kơnuk kơna, Khul ling tơhan amăng pơsit, pơtŏng tơlơi, pơsit hơdră pơtrun, hơdră bruă hăng pơsir kơđi tơlơi, ƀu pioh hmâo kah mơng ngă, truh ƀu hmao thâo... lăp djơ̆ na nao mơng pô gơgrong bruă mơng Ping gah, Kơnuk kơna, Khul ling tơhan./.