Hmư̆ tui tơlơi jak iâu mơng Khua mir sir dêh čar ta ơi Võ Văn Thưởng, Khua gơgrong bruă dêh čar Australia David Hurley hăng bơnai ñu rai čuă gưl Kơnuk kơna pơ̆ dêh čar Việt Nam mơng lơ 3-6/4. Mơguah anai, ƀơi Anih mă bruă Khua mir sir, Khua mir sir dêh čar ta ơi Võ Văn Thưởng hăng bơnai ñu git gai ngă lơphet čơkă jum Khua gơgrong bruă dêh čar Australia David Hurley hăng bơnai ñu. Tơdơi kơ mông ngă lơphet čơkă jum, Khua mir sir dêh čar ta ơi Võ Văn Thưởng hăng Khua gơgrong bruă dêh čar Australia pơphun bơkơtuai, pơsit hơdôm bôh tơhnal dưi hmâo hăng ba tơbiă jơlan gah pơtrut gum hrom dua bôh dêh čar pơ̆ anăp anai.

Việt Nam hăng Australia pơdŏng bruă pơtom hiăp mơng thun 1973, pơđĭ tui bruă gum hrom abih bang thun 2009, Bơnah gum hrom anih bang kơtưn đĭ thun 2015 hăng pơđĭ tui Bruă gum hrom khom ngă amăng blan 3/2018. Australia lĕ sa amăng hơdôm bơnah gum hrom dua bơnah djru ODA ƀu pioh glăi prong hloh kơ Việt Nam. 50 thun rơgao, Australia hmâo djru laih ODA kơ Việt Nam abih bang 3 klai dolar Australia, dưm dưm hăng 47 rơbâo klai prăk Việt Nam. Ră anai hmâo năng ai ñu 31.000 čô čơđai gưl dlông hăng kơsem min bôh thâo Việt Nam glăk dô̆ pơhrăm ƀơi Australia (90% tui hơdră bơwih mă pô)./.