Khua mir sir dêh čar ta ơi Lương Cường hmâo dưm laih guang bơnga ƀơi anăp gŏng kut, pơdah pran jua thâo tơngia dơlăm mơ̆ng Ping gah, Kơnuk kơna hăng mơnuih ƀôn sang Việt Nam pioh kơ mơnuih hmâo akô̆ pơjing kơ tơlơi rô nao rai phara ha jăn Lao - Việt Nam.

Grŭp ăt pioh mơn sa mơnit pioh hơdor, čuă lăng Sang djă pioh gru grua Kaysone Phomvihane hăng hmư̆ lăi pơthâo tơlơi hơdip, bruă mă ngă hơkrŭ mơ̆ng Khua mir sir Kaysone. Amăng hră čih hơdor pioh, Khua mir sir dêh čar ta ơi Lương Cường pơdah pran jua ol kơdol hăng ư-ang lơm nao čuă anih djă pioh hơdôm gru grua mơ̆ng sa čô gơyut prong prin, jê̆ giăm hăng mơnuih ƀôn sang Việt Nam - pô hmâo djru pơjing pran jua giăng mah, gum hrŏm hơbit kơplah wah dua djuai ania./.