Tal nao čuă dêh čar Lao mơng Khua mir sir pơdah tơlơi dŏng yua kơtang tit, pơhlôm abih bang mơng Việt Nam pioh kơ bruă pơplih phrâo, hơkrŭ glăi hăng pơđĭ kyar bơwih ƀong - mơnuih mơnam, mut hrom jar kơmar mơng dêh čar Lao. Amăng hơdôm hrơi dô̆ čuă dêh čar Lao, Khua mir sir dêh čar ta ơi Võ Văn Thưởng hmâo laih bruă bơkơtuai hăng Khua git gai Ping gah, Khua mir sir dêh čar Lao lăng hmư̆ mông ngă Lơphet kĭ hră pơ-ar gum hrom kơplah wah hơdôm ding jum, gơnong bruă, tơring čar, ƀôn prong dua bôh dêh čar.

Khua mir sir dêh čar ta ăt hmâo mơn hơdôm bruă bơkơtuai hăng Khua dêh čar hăng Khua git gai wai lăng pơ ala mơnuih ƀôn sang Lao; tŭ jum Khua Jơnum min djop djuai ania Lao pơdŏng lŏn ia, tŭ jum Khua Khul giăng mah Lao –Việt Nam; nao ƀong huă mông pŭ asơi mơng Khua git gai Ping gah, Khua mir sir dêh čar Lao; čuă Ƀirô anih jưh pơ ala kơ dêh čar ta ƀơi Lao hăng bưp khua pơ ala khul mơnuih Việt Nam ƀơi Lao./.