Pơhiăp amăng mông jơnum, Khua mir sir dêh čar ta ơi Võ Văn Thưởng rơkâo ƀôn prong khom ngă tui klă bruă pơdŏng, pơkra Ping gah hăng glông bruă Kơđi čar. Lăi rơđah khom lăng mơnuih ƀôn sang lĕ phun than amăng pơđĭ kyar, Khua mir sir dêh čar rơkâo ƀôn prong pơtrut kơtang dong bruă pơđĭ kyar bôh thâo, mơnuih mơnam, pơtô juăt hăng pơtô pơhrăm, bơwih brơi tơlơi suaih pral, pơđĭ tui tơlơi hơdip mơnuih ƀôn sang; iâu pơhrui pran kơtang mơng mơnuih ƀôn sang, hơkrŭ pran gơgrong amăng mơnuih ƀôn sang kơjăp.

Khua mir sir ăt rơkâo mơn ƀôn prong Hồ Chí Minh ngă tui đut hlah anô̆ gal, pran gơgrong, anih anom bruă kơđi čar amăng pơtom hiăp, pơđĭ tui bôh tơhnal gum hrom pơđĭ kyar bơwih ƀong mơnuih mơnam hăng bơkơtuai jar kơmar hăng hơdôm bôh dêh čar ƀơi rŏng lŏn tơnah, biă ñu hơdôm bôh dêh čar amăng kual ia krông Mê Công, hơdôm bôh dêh čar ASEAN, hơdôm bơnah gum hrom prong./.