Nao pơhmư̆ hrơi ngă lơphet, ƀing khua hơmâo nao čuă lăng sang gru đưm, pơđung bơnga apui hlin amăng ia, hơdor glăi tơlơi truh 35 thun hlâo adih - Tơlơi blah ngă mơguah sing bring lơ 14/3/1988 ƀơi Gạc Ma, jing gru kơđŏm ƀu thâo wơr ôh amăng tơlơi pơmin pran jua mơnuih Việt Nam ta.

Ƀơi mông ngă lơphet, ƀing khua tŭi ñang, dưm bơnga ƀơi gong kut tơhan hăng ƀơi pơsat tơhan dor soh sel hơdor kơ 64 čô tơhan sông kơtang djai drơi pô ƀơi Gạc Ma. Amăng tơlơi adoh suang hơdor glăi tơlơi djuai rơngiă, Grup pơphun bruă ngă hrŏm hăng hơdôm anom bruă brơi gơnam kơ sang anŏ tơhan djai, brơi prăk djru kơ ƀing čơđai sang hră hăng brơi Hla gru Dêh čar kơ ană plơi hyu mă akan.