Sang hră gưl dlông Thái Nguyên ră anai hmâo rơbêh 70 rơbâo čô čơđai, ƀing hrăm gưl dlông, amăng anun hmâo giăm truh 1 rơbâo čô čơđai sang hră dêh čar tač rơngiao; hăng khul mơnuih pơtô hmâo 2.500 čô nai. Sang hră gưl dlông Thái Nguyên ră anai hmâo pơtŏng sit laih anăn păn hmư̆ hing, đăo gơnang prong mơ̆ng sa bôh Sang hră gưl dlông phun lŏn ia, pơđĭ kyar abih bang wot anô̆ prong, bruă pơtô hăng anô̆ kơjăp bruă pơtô pơhrăm.

Khua mir sir jăng jai dêh čar ta rơkâo Sang hră khom lăi pơthâo abih hăng pok pơhai ngă tui klă hơdôm hơdră pơtrun, hơdră bruă mơ̆ng Ping gah, Kơnuk kơna kơ pơplih phrâo phun, abih bang pơtô pơhrăm, gah pơđĭ kyar kual; hrŏm hăng anun khom hur har, pơčeh phrâo, hmâo glông bruă, yak nao lăp djơ̆. Ding jum pơtô pơhrăm, hơdôm grŭp, ding jum, gơnong bruă dêh čar ta, tơring čar Thái Nguyên hăng hơdôm anih anom amăng kual đing nao dong, ngă gal brơi hăng djă pioh ngăn rơnoh djru klă hloh pioh Sang hră pơđĭ kyar tui djơ̆ jơlan gah pơsit hmâo ba tơbiă./.