Ƀơi mông tŭ jum, Khua mir sir jăng jai yă Võ Thị Ánh Xuân lăng yôm bruă mă mơ̆ng Sang bruă prăk rŏng lŏn tơnah hơmâo pơgôp prong djru pơđĭ kyar hăng pơđĭ tui hnong hơdip mơda kơ mơnuih ƀôn sang ƀơi dêh čar ngă ding kơna sang bruă prăk rŏng lŏn tơnah. Hăng Việt Nam Sang bruă prăk rŏng lŏn tơnah lĕ sa amăng klâo bơnah ngă hrŏm pơđĭ kyar, djru prăk kăk čan lu djop 35% prăk mơ̆ng dêh čar tač rơngiao brơi Việt Nam čan.

Khua mir sir jăng jai lăng yôm tơlơi djru ba mơ̆ng yă Carolyn Turk hăng Sang bruă prăk rŏng lŏn tơnah pioh kơ Việt Nam, amăng anun hơmâo lu bruă mă hiam klă kah hăng pơhrơ̆i ƀiă thun blan tla hnưh tañ; hơmâo tơlơi pơčeh phrâo djru Việt Nam pơhlôm, pơgang klin Covid 19, djru Việt Nam tañ rŭ glăi tơlơi bơwih ƀong huă hmar tơdơi kơ abih klin. Biă mă ñu, Sang bruă prăk rŏng lŏn tơnah ƀuăn pơhrui năng ai mơ̆ng 1-2 klai USD sa thun brơi kơ bruă pơđĭ kyar ƀơi Việt Nam ngă tui lu kơčăo bruă prong. Thun blan pơ anăp, Khua mir sir jăng jai rơkâo Sang bruă prăk rŏng lŏn tơnah ăt ngă hrŏm tong ten, djru Việt Nam amăng bruă mă pơđĭ kyar lŏn ia.