Ƀut pơplông mơ̆ng djop tơring čar kual Dap Kơdư hăng kual Tong krah hơmâo 10 boh tơring čar: Gia Lai, Kon Tum, Dak Lak, Dak Nông, Lâm Đồng, Quảng Nam, Quảng Ngãi, Bình Định, Phú Yên, Khánh Hòa hơmâo đơ đam lŏn mơnai glai klô 87.180 km2, dưm dưm hăng rơbêh 26% đơ đam lŏn amăng dêh čar. Thun hlâo, djop tơring čar amăng ƀut pơplông kual Dap Kơdư hăng kual tong krah hơmâo ngă klă bruă pơplông: Pơtrut tơlơi bơwih ƀong huă pơđĭ kyar lu mơta, pơblih phrâo, ngă tui pơkrem kơdeng, pơgăn phăk phai.

Kơnang kơ bruă bơkơtưn amăng dêh čar gum hrŏm man pơdong plơi pla phrâo mơ̆ng thun 2021-2025, ƀô̆ mơta amăng kual plơi pla hơmâo pơblih đĭ hiam tui. Pơhiăp ƀơi mông jơnum, yă Võ Thị Ánh Xuân, Khua mir sir jăng jai lăng yôm bruă mă bơkơtưn, apah bơni ƀơi djop tơring čar ƀut pơplông hrŏm kual Dap kơdư hăng kual tong krah. Yă Võ Thị Ánh Xuân rơkâo djop tơring čar ăt ngă klă bruă bơkơtưn hăng apah bơni kiăng djơ̆ hăng bruă mă sit nit, mut tơma amăng bruă mă rim hrơi tơlơi hơdip mơda amra jing pran kơtang pơtrut lŏn ia pơđĭ kyar tui.