Tơdơi kơ hmư̆ khua mua Jơnum min mơnuih ƀôn sang tơring glông Dương Minh Châu lăi pơthâo kơ bruă djru mơnuih mơnam ƀơi tơring amăng hrơi blan rơgao, Khua mir sir yă Võ Thị Ánh Xuân pơsit tơring čar Tây Ninh jing tơring čar dong ƀơi anih yôm kơ bruă bơwih ƀong huă - mơnuih mơnam hăng pơhlôm pơgang rơnuk rơnua lŏn ia.

Khua mir sir jăng jai yă Võ Thị Ánh Xuân kiăng, amăng hrơi blan pơ anăp, tơring čar Tây Ninh mơneč mă djŏp tơlơi gêh gal kơ măi mok, ngă hmua hăng boh thâo phrâo, tuai čuă ngui, ngă hrŏm hloh hăng hơdôm boh tơring čar amăng kual, kơtưn pơđĭ kyar pơ anăp anai. Ƀrô tal anai, yă Võ Thị Ánh Xuân hơmâo brơi 200 klăk prăk kơ Keh djru pơgang ba ƀing čơđai tơring čar Tây Ninh; brơi gơnam kơ sang anŏ hơmâo anăn kơnuk kơna djru, 15 anung gơnam kơ sang anŏ tơnap tap hăng 20 anung gơnam kơ ƀing čơđai tơnap tap ƀơi tơring glông Dương Minh Châu.