Amăng mông bưp, Khua mir sir pơsit tong ƀing nai ia jrao sit lĕ ƀing ba gru hiam, ƀu djơ̆ kơnong hơmâo pran jua khăp pap đôč ôh mơ̆ ăt hơmâo pran kơtang ngă bruă, găn rơgao lu tơlơi tơnap tap pơgiong klă bruă jao, pơgôp yôm phăn amăng bruă pơklaih rơngai lŏn ia, pơlir hơbit lŏn ia ta đưm hlâo adih, kah hăng amăng rơnuk pơjing hăng wai pơgang kjăp lŏn ia Việt Nam kiăng khăp ră anai.

Amăng rơnuk pơplih phrâo-rơnuk hrưn đĭ mơng ta pô, pơđĭ kyar prong kơtang hăng pơdrong asah mơng djuai ania, Khua mir sir rơkâo djop gưl, gơnong bruă, sit biă ñu lĕ gơnong bruă ia jrao tŏ tui đing nao pơđĭ kyar anih anom ia jrao amăng abih bang; pơhlôm abih bang mơnuih, mah ƀơi plơi prong, ƀon lan ƀudah kual ataih, asuek, kual giăm guai laih dong bul pơtâo lêng kơ dưi khăm pơjrao soh. Tui khua mir sir, anih anom ia jrao ƀon lan kiăng hơkrŭ kjăp, tuh pơ alin blơi gơnam măi mok phrâo hăng hrưn đĭ tơlơi thâo thăi kiăng jing anih phun khăm pơjrao brơi abih bang mơnuih ƀơi ƀon lan.