Khua mir sir pơsit, dêh čar Việt Nam lêng kơ hơdor hăng pơpŭ bơni hơdôm tơlơi kiăng khăp, tơlơi dong yua, gum djru yôm mơ̆ mơnuih ƀôn sang Azerbaijan pioh kơ Việt Nam amăng hơdôm thun rơgao.

Khua mir sir hok mơak čơkă Anom bruă tơgŭ kơđi Việt Nam hăng Anom bruă tơgŭ kơđi Azerbaijan kĭ hră ngă hrŏm amăng tal čuă jơmư anai, mơ̆ng anun pơđĭ tui anŏ tŭ yua bruă wai lăng tơgŭ kơđi, pơkơdong mơnuih ngă soh, pơgang ba klă tơlơi dưi ană mơnuih, pơgang ba tơlơi klă kơ kơnuk kơna, pơhlôm rơnuk rơnua kơ bruă pơđĭ kyar bơwih ƀong huă - mơnuih mơnam mơ̆ng rim boh dêh čar. Khua mir sir kiăng Anom bruă tơgŭ kơđi dua boh dêh čar ngă hrŏm kjăp pơgăn ƀing ngă soh, biă ñu lĕ ngă soh pơ lu dêh čar, ngă soh gah boh thâo ia rơgơi hăng ngă hrŏm bruă pơgang ba tơlơi klă kơ dêh čar amăng bruă dưi ngă mơ̆ng dua bơnah.