Ƀơi mông bưp, Khua mir sir ơi Lương Cường pơsit, Kơnuk kơna hăng mơnuih ƀôn sang Việt Nam lêng kơ hơdor na nao tơlơi gum djru yôm mơ̆ mơnuih ƀôn sang Español djru kơ Việt Nam amăng rơnuk pơplih phrâo hăng akŏ pơjing glăi lŏn ia tơdơi kơ blah ngă, ăt kah hăng amăng thun blan đĭ kyar lŏn ia rơnuk anai.

Kiăng pơtrut tui tơlơi gêh gal mơ̆ng dua boh lŏn ia, ba tơlơi rô nao rai Việt Nam - Español jai hrơi dlăm, sit nik, dua bơnah tŭ ư pơphun lu bruă hyu čuă jơmư, pơbưp khua mua; pơtrut ngă hrŏm gah bruă tơhan - pơgang rơnuk rơnua lŏn ia, biă ñu pơtô pơjuăt mơnuih ngă khua, ling tơhan Việt Nam, boh thâo măi mok ling tơhan, djă pioh rơnuk rơnua Sang gum hơbit djŏp dêh čar, pơsir tơlơi răm rai yua rơnuk blah ngă pioh glăi ƀơi Việt Nam, rơnuk rơnua plang internet, pơkơdong mơnuih ngă pirăt, ngă soh găn rơgao guai dêh čar, đuăi hyu dŏ soh tơlơi phiăn./.