Amăng hrơi mông bơbưp mơ-ak, jê̆ giăm, bă blai tơlơi khăp ƀu-eng, dua čô khua hơmâo lăi nao tơpă hơdôm jơlan hơdră pơtrut tui klă hloh dong bruă ngă hrŏm. Lăi pơtŏng amăng hrơi mông rŏng lŏn tơnah hăng amăng kual glăk bưp lu tơlơi lông lăng phara, dua boh dêh čar kiăng jơnum pơtom hiăp, tơña nao rai, ngă hrŏm djru nao rai găn rơgao tơnap tap, găn rơgao tơlơi lông lăng.

Tui anun, dua čô khua pơsit glăi dong hơdră ngă bruă phun mơng dua bơnah anun lĕ lăng yôm hăng pơƀut hơkrŭ, bơbuă tui tơlơi rô nao rai giăng mah, gum pơgôp yôm pơphăn hăng ngă hrŏm abih bang kơplah wah Việt Nam hăng Lao; pok pơhai tŭ yua hơdôm tơlơi kĭ pơkôl yôm mơng dua boh dêh čar, ăt kah hăng kơplah wah ding jum, anom bruă gơnong dlông hăng ƀơi tơring čar; pơtrut hơduah tơña, pơgôp hiăp kơ hơdôm hơdră bruă kiăng ngă yôm phun; pơphun lu hloh tal hyu čuă, bơbưp khua mua djŏp gưl.