Anai lĕ hơdôm gru bơngač amăng bruă hrăm, ngă tui gru hiam pran jua klă Hồ Chí Minh, hơmâo pơgôp prong prin amăng bruă mă gah hlăk ai grup tơdăm dra mut phung hăng bruă tơdăm ngek dra muai, mơnuih hlăk ai đăo kơnang laih anun  hmư̆ hing klă amăng bruă tơdăm dra, hlăk mut phung amăng Khul djop anom bruă ping gah gơnong dlông.

Khua mir sir ơi Võ Văn Thưởng bơni hơ-ơč ƀing hlăk ai hur har amăng Khul djop sang bruă kơnuk kơna gơnong dlông hơmâo tŭ mă hơdôm boh tơhnal klă hiam amăng bruă mă thun blan rơgao, laih dơ̆ng lăi nao boh yôm phun bruă mă mơ̆ng hlăk ai tơdăm dra mut phung amăng djop sang bruă kơnuk kơna ƀơi gơnong dlông lăi pha, hlăk ai amăng dêh čar hnun mơ̆n mah dŏ ngă bruă hơgĕt, anih mă bruă pơpă hai khom ngă klă bruă glăm ba hăng boh tŭ yua hiam hloh amăng bruă bơwih brơi kơ Lŏn ia, bơwih brơi kơ mơnuih ƀôn sang, lăp hăng anăn gru hiam hlăk ai hur har.