Truh ră anai, đơ đam tơring čar Vĩnh Long hơmâo 16 rơbâo čô tơhan djai pơsăn drơi jăn kơ lŏn ia, 4.500 čô tơhan rơka rơkač, mơnuih hơmâo tơlơi ruă yua ayăt krư̆ kơđol, giăm 3.000 čô neh wa amĭ Việt Nam khin hơtai. Khua mir sir čang rơmang ƀing pơ ala kơ sang anŏ hơmâo djru kơnuk kơna ƀơi Vĩnh Long, ăt djru hrom pran jua amăng bruă djă pioh tơlơi pơ-ư pơ-ang gru grua khăp kơ lŏn ia plơi pla, hing ang khin hơtai ngă hơkrŭ đưm, djru pơklaih rơngai hăng pơđĭ kyar kual lŏn tơring čar Vĩnh Long khin hơtai.

Pơhiăp ƀơi mông bưp, Khua mir sir bơni kơ ƀing hơmâo djru kơnuk kơna hăng sang anŏ gơñu dưi găn rơgao hĭ tơlơi lông lăng, tơnap tap, ruă nuă, rơka rơkač yua kơ bruă čar, djă kjăp tơlơi pơmin hrưn đĭ akŏ pơdong tơlơi hơdip mơda thâo rơguăt ƀơi tơring čar. Ƀing pơ ala anai, mah tha rơma, pơai buai, ăt pơmin djru kơ dêh čar, kơ bruă hơkrŭ lŏn ia plơi pla, djru pơtô hrăm kơ čơđai rơnuk anai. Khua mir sir čang rơmang pran jua anai ăt djă pioh, pơđĭ tui amăng abih bang khul mơnuih khăp kơ lŏn ia ngă hơkrŭ djru man pơdong plơi pla dêh čar jai hrơi pơdrong sah hiam rô̆.